Télécharger
OcPerJo (1).mp4
Fichier Audio/Vidéo MP4 42.3 MB

Carnaval

Carnaval qu'ei arribat ! Lo carnaval de las escòlas que's debanarà lo 14 de heurèr. Lo seguici que partirà de la mairia a 11h e qu'anarà dinc au Hédas on La classa de 4au e harà lo procès a 13h. Un bal que clavarà lo dia a 14h. Ça-vietz numerós !!


Un còp èra ua escòla qui s'aperava Calandreta...

Dab en cap l'idea e la volontat d'ensenhar aus mainatges en lenga occitana (qui daubuns e pensan quasi desbrombada), Calandreta qu'espelí a Pau en 1979.
A l'obèrtura de l'escòla qu'èran sonque un punhat de calandrons, que son adara pròche de 3000 a practicar la lenga tot dia.
Au cap de 20 ans d'existir qu'èra deu noste dever de perlongar en segondari aquera educacion, qu'agin los escolans la possibilitat de causir e perseguir l'ensenhament immersiu segon los principis pedagogics de Calandreta.
Atau, en 1997, lo purmèr collègi Calandreta Leon Còrdas qu'obrí a Montpelhièr, seguit en 2005 peu collègi Calandreta de Gasconha."


L'occitan, lenga d'ensenhament e d'escambi

Los cors que son balhats en occitan, manca los cors d'anglés, de castelhan e de francés. Los documents que son autant com possible en occitan e l'equipa pedagogica qu'ei particularament atentiva a la practica de la lenga dens la vita de tot dia deu Collègi.


Intervencions pedagogicas

Intervenents exteriors que pòden assegurar talhèrs dens l'encastre deu collègi, com los collegians participar au dehòra a intervencions de professionaus.

Un professor referent que s'encarga de perseguir lo tribalh hicat en plaça dens los talhèrs.

Los cors de matèrias generaus

Cada nivèu qu'a la soa sala dedicada, çò qui permet un encadenament seguit deus cors. L'ensenhament de la fisica quimia qu'ei dispensat dens ua sala especializada equipada. 

Los cors d'espòrt

Los cors d'espòrt que son dispensats dens las installacions esportivas deu licèu Honoré Baradat, lo gimnase Paul Jean Toulet.

La cantina

Los collegians que minjan dens la cantina deu licèu dens ua partida qui'us ei reservada.

Lo CDI