PROJÈCTE «AIGA, PESTICIDAS E ALIMENTACION»

Dens l'encastre deu projècte inter-disciplinari (Geografia,SVT) titolat

«  Aiga, pesticidas e alimentacion », los eslhèves de 6au qu'arcuelhón Stéphanie, intervenenta

de l'organisme ECOCÈNE lo dijaus 19 de març. Que'us parlè deus besonhs deus vegetaus e de tecnicas tà melhorar los rendements agricòlas : adaigada, lutz, luta contra l'estès idric e contra las maishantas èrbas. Los collegians que comprengón  l'interès e los limits d'utilizar engrèish e pesticidas.

En seguir, lo dimerç 25 de març qu’anèn visitar las parcèlas solidàrias de Pau

on podón arreconéisher e descobrir mantuns vegetaus. Que'us agradè de passejà’s a l'entorn de casaus plan entertienuts e de tastar huelhas d'uns vegetaus. Qu'aprengón enqüèra hèra de causas sus los besonhs de las plantas e la possibilitat d'associar espécias de vegetaus hens la medisha parcèla tà melhorar los rendements shens apraubir lo riquèr deu sòu. Qu'éra previst de plantar pomas de tèrra mes n'èra pas un beroi dia e la tèrra qu'èra tròp umida. Que semièn donc granas de salada e glomerules de blets rois hens la sarra d'arcuelh.

Ne cau pas desbrombar tanben qu'ei important de preservar la biodiversitat e de minjar aliments sans. Qu'ei donc indispensable de mestrejar l'utilizacion deus engrèish e deus pesticidas. Aquò, qu'ac saben har a las parcèlas solidàrias en utilizar mejans naturaus.

Los eslhèves que’n poderàn parlar lo dijaus 7 de mai en classa mercès a la dusau intervencion. Que tornaràn tanben vèder las lors plantacions lo divès 22 de mai.

Que serà lo parat de tirar èrbas e d'amassar vegetaus deu moment....lhèu las pomas de tèrra qu'aurén devut plantar lo 25 de març.