Los E.P.I : Ensenhaments Practics Interdisciplinaris

L'art tà descobrir las lengas

Qu’avem descobèrt los 3 tipes d’escritura japonesa : Kanjis, Katakanas e Hiraganas, art tradicionau qui consisteish a escríber los ideogramas au pincèu e a la tinta. Que ns’èm iniciats a l’escritura en escríver lo noste petit nom dab ua intervenaira japonesa, Nagako.

Yvain e Joanis

Utilizacion de l'art o de la natura tà construsir figuras geometricas

Qu'avem hèit mosaïcas dab la medisha figura en préner huelhas de diferentas colors entà las assemblar e plear ua huelha A3 dab aquestas fòrmas. Puish, qu'avèm arreprodusit l'estela de Pompeï, qui ei un motiu geometric compausat de 1 exagòne, 1 cèrc, 6 lausanges, 6 triangles equilateraus e 6 carrats.

Antoine, Maël, Juliette, Tara

Percepcion de la natura per las personas handicapadas

Los collegians qu'abordèn lo handicap fisic. Que tribalhèn sus diferents tipes de daltonisme e que reprodusín dessenhs dab la paleta de colors deu punt de vista d'aqueth handicap. De mei, que pintrèn dab la man esquèrra e lo pincèu dens la boca.

Land art

Qu’anèm a la « coulée verte ». Que devèvam amassar causas qui èran per tèrra entà representar çò qui volèvam. Que hasom ua corona de huelhas, un arbo, un còr, e un punt d’interogacion dab canetas e botelhas. Que prenom las nostas òbras en fòto, çò qui permetó ua iniciacion a la fòto.  

Representacion e percepcion de la natura a truvèrs los sons

A truvèrs la representacion picturau de diferents elements de la natura, qu'avem hicat en musica e sons, dens l'objectiu d'ua creacion orquestrau contemporanèa.

Télécharger
Representacion e percepcion de la natura
Fichier Audio MP3 766.8 KB

Arrepresentacions poeticas de la natura dab/deus poètas occitans

Qu'escribom poesias en s'inspirar de tèxtes d'autors occitans qui tractan de la natura.

El diseño de la permacultura

Los collegians que visionèn un powerpoint entà descobrir la permacultura. Puish, que devón imaginar un collègi ecologic e har lo son plan.

Qui ei Arcimboldo ?

Arcimboldo qu'ei un pintre deu sègle XVIau dont l'especialitat ei de pintrar personas sonque dab la fauna e la flòra. Que hasom lo noste auto-portrèit en s'inspirar deus sons 4 tablèus sus las 4 sasons. 

Mandie

L'art de guarir

Lo professor que balhè fichas de plantas dab las lors proprietats e que demandè a cada collegian de trobar la planta qui cau tà guarir la malaudia qui'u èra atribuida. A partir d'aquò, lo collegian que devè har ua ficha de la malaudia e explicar quin la guarir.

English/Sciences

Los collegians qu'estudièn 2 pintres anglés de la Royal Academy, Turner e Constable qui pintrèn paisatges. Que cerquèn la definicion de art e natura en anglés e que hasón un expausat (biografia e descripcion de las òbras).

Sciéncias e lètra seguida

Los collegians qu'avèvan ua ficha dab mots suus 5 sens e que'us trièn per sens entà apréner vocabulari tà'us exprimir. Puish, que pesquèn objèctes dens ua saca shens espiar, qu'escotèn sons e que devèvan devinar çò qu'èra. Après, que devèven definir objèctes en utilizar los mots triats.