Sciencia e Vita de la Terra

Annada 2015-2016

Dens l'encastre deu cors de SVT sus l'environament, los escolans de 6 au de tribalhèn sus ua fabla, sia " la cigogne et le renard" (tèxte en francès), sia 'la cigala e l'ahromiga" (tèxte en occitan). 

A partir  de consignas precisas de SVT, qu'utilizèn lo lors talents d'artistas tà presentar ua scena de la fabla causida dab coloriatges e collatges. 

Qu'estò lo parat de validar de faiçon agradiva competéncias de reconeishenças d'èstes vius e non vius de l'environament mes tanben de juntar 4 disciplina: svt, arts, Francés e occitan

Annada 2014-2015

Que podetz consultar las navèras en Sciencia dens la partida "sortidas" .


Las costumas alimentaris deus collegians

Article heit per la classa deus 5aus.


Dens l'encastre deu cors de Sciencia e Vita de la Terra, los escolans de la classa de 5aus que hason un estudi sus las costumas alimentaris deus collegians. 

Dab l'ajuda de la loa professora, dauna Gabaig, que preparen lo sondatge tà interrogar lo lors camarades e qu'analizen las resultas. 

Au parrat d'aqueste gran tribalh, un esdejuar equilibrat qu'estò perpausat en arribar a tot lo Collègi lo dijaus 4 de deceme. 

SONDATGE SUS LAS COSTUMAS ALIMENTÀRIAS DE L’ESDEJUAR


Entà conéisher las vòstas costumas alimentarias, que’vs prepauzam de plear aqueth questionari :

 

1°) Esdejuas lo matin? 

□ òc    □ non   □ a còps    □ sovent    □ sonque la dimenjada e pendent las vacanças

     Si non, ei pr’amor: □ de non pas aver hami ?          □ de non pas aver lo temps? 

                                   □ ne's pas plan desvelhar  ?      □  per ua auta rason ? 

 

2) E’t prenes l’esdejuar ? □ a casa   □ au collègi

 

3) Lo mei sovent, e’t prenes l’esdejuar ?  □ en familha   □ sol

 

4) E t’arriba d’esdejuar en tot espiar la television?

    □ òc tostemps   □ a còps quitament los dias de classa   □ òc, mes jamèi los dias de classa

    □ non

 

5) Los dias de classa, e’t preparas l’esdejuar ? □ òc   □ non   □   a còps

 

6) L’esdejuar ei tostemps lo medish ?  □ òc   □ non

    Si òc, as de temps en quan l’enveja de’u modificar ?  □ òc   □ non

 

7) Quant de temps e consacras a l’esdejuar? □ mensh de15 min  □ 15 min  □ mei de 15 min

 

8) Quina bevuda e prenes a l’esdejuar ? □ nada  □ aiga  □ lèit □ shuc de fruta  □ tè   □ aute

 

9) Qué çò qui minjas a l’esdejuar?


□ pan □ burre □ confitura

□ fruta □ yaort □ pasta de tartinar 

□ hromatge □ biscòtas □ cerealas

□ compòta □ carn saladeria □ autes

 


10) E t’interdiseishes de minjar certs aliments?  □ òc   □ non

      Si òc, ei per paur:  □ de grossir ?   □ de’us non pas deverser?    □ de har alergias?  

                                    □ n’as tot simplament pas enveja de cambiar

 

11)  E ressenteishes la hami en cors de matiada ? 

        □ òc de temps en quan    □ òc, sovent     □ non, jamèi

 

12) As enveja de cambiar de costumas ? □ òc   □ non

      Si òc perqué ? :      □ per lassitud de minjar tostemps la medisha causa

                                         □ per chepic d’equilibrar miélher la toa alimentacion

                                         □ tot simplament, pr’amor d’aimar lo cambiament

 

 

Los collegians de 5° que t’arremercian d'aver responut ad aqueth questionari.


RESULTAS  DEU SONDATGE SUS LAS COSTUMAS ALIMENTÀRIAS DE L’ESDEJUAR


Entà conéisher las vòstas costumas alimentarias, que’vs prepauzam de plear aqueth questionari : 


1°) Esdejuas lo matin? 

26 òc    2 non   6 a còps    1 sovent    1sonque la dimenjada e pendent las vacanças

     

Si non, ei pr’amor: 2 de non pas aver hami ?          5 de non pas aver lo temps? 

                                   □ ne's pas plan desvelhar  ?      □  per ua auta rason ? 

 

2) E’t prenes l’esdejuar ? 37 a casa   3 au collègi 


3) Lo mei sovent, e’t prenes l’esdejuar ?  20 en familha   21 sol

 

4) E t’arriba d’esdejuar en tot espiar la television?

4 òc tostemps  5 a còps quitament los dias de classa   12 òc, mes jamèi los dias de classa 

15  non


5) Los dias de classa, e’t preparas l’esdejuar ? 21 òc   7 non   9   a còps 


6) L’esdejuar ei tostemps lo medish ?  11 òc   25 non

    Si òc, as de temps en quan l’enveja de’u modificar ?  5 òc   6 non 


7) Quant de temps e consacras a l’esdejuar?

18 mensh de15 min 13 15 min 5 mei de 15 min

 

8) Quina bevuda e prenes a l’esdejuar?

3 nada  7 aiga  20 lèit 26 shuc de fruta  5tè   4 aute

 

9) Qué çò qui minjas a l’esdejuar?

27 pan 18 burre 15 confitura

8 fruta 12 yaort 14 pasta de tartinar 

2 hromatge 15 biscòtas 27 cerealas

7 compòta 2 carn saladeria 18 autes

 

10) E t’interdiseishes de minjar certs aliments?

 10 òc   28 non

      Si òc, ei per paur:  3 de grossir ?   □ de’us non pas deverser?   1 de har alergias?  

                                    6 n’as tot simplament pas enveja de cambiar

 

11)  E ressenteishes la hami en cors de matiada ? 

        13 òc de temps en quan    18 òc, sovent     7 non, jamèi

 

12) As enveja de cambiar de costumas ? 25 òc   14 non

      Si òc perqué ? :      2 per lassitud de minjar tostemps la medisha causa

                                     2 per chepic d’equilibrar miélher la toa alimentacion

                                         9 tot simplament, pr’amor d’aimar lo cambiament


 Los collegians de 5° que t’arremercian d'aver responut ad aqueth questionari.

ANALISI DEU SONDATGE 


Tà plan ciblar las costumas alimentarias deus collegians qu'avem besonh d'analisar las responsas deu questionari. 


Tà aver ua vista mei generau de las responsas, qu'avem après a calcular percentatges a partir deus 39 questionaris tornats.

Qu'avem tanben compres que calèva tostemps calcular los percentages a partir d'un nombre totau de cas e qu'aqueth nombre n'èra pas forçadament tostemps lo nombre de collegians qui avèva tornat 

lo questionari.

Exemple : 

 Percentatge de collegians qui desjunan tot matin :  Nombre de collegians que an responut òc  ( 26)  /   Nombre totau de collegians qui an responut (36)    X 100                

                                                                                                  

Percentatge de los que ne dejunan pas per manca de temps :  5/10   X 100

                                                                                                   

                   

1) De cap a 72% deus collegians que dejunan tot matin. L'esdejuar qu'ei un repaish hèra important pr'amor que permet a l'organisme de har lo plen d'energia indispensabla tà cobrir los esfòrç fisics e intelectuaus de la matiada.

28 % deus collegians  que riscan d'aver dificultats a concentrà's, a memorizar e a hornir esfòrç fisics .


Que vedem que tà 5 collegians sus 10 sian 50 % deus collegians que ne dejunan pas jamei o pas tostemps qu'ei per manca de temps. 

Que podem pensar qu'ei pr'amor ne's lhevan pas pro de dòra .

Ei pr'amor que s'adroman tròp tar lo ser ? 

Si òc perqué : qu'espian tròp tar la television ? que jogan tròp tar sus l'ordinator ? …


Que mancaràn de som e n'auràn pas minjat donc que podem compréner que seràn flacs dinc au repaish de mieidia.


2) Que i a sonque 3 eslhèves donc de cap a 8 % deus collegians  que dejunan au collègi.

Lhèu qu'ei pr'amor que mancan de temps tà dejunar lo matin a casa.

Eric que precisa que minja a l'encòp a casa e au collègi. Aquesta informacion  qu'explica lo resultat deu sondatge pr'amor que i avó 40 responsas mentre que i a sonque 39 collegians que an responut.


3) L'esdejuar que's passa sia en familha sia sol (50 % deus collegians dens los dus cas).


4) De cap a 10 % deus collegians qu'espian tot dia la television en dejunar.

Que  i a sonque 15  collegians donc de cap a 38 % deus collegians que n'espian pas jamei

la television en dejunar.


5) De cap a 54 % deus collegians que 's preparan tot sols lo desjunar. Qu'auré estat interessant de saber si los dus que ne dejunan pas  qu'ei pr'amor qu'an d'ac preparar tot sols .


6) Dens los 30 % de collegians que dejunan tostemps de la medisha faiçon,  de cap a 45 %  qu'an enveja de minjar auta causa.


7) De cap a 90 % de collegians ne consacran pas mei de 15 min tà dejunar.

 Que ne dedusim que ne cau pas totun hèra de temps tà's balhar los mejans de plan començar lo dia.

Qu'ei donc de dòu har de non pas dejunar.


8) La lèit e los shucs de frutas que son las bevudas las mei consomidas.

Que notam que i a 3 sia de cap a 8 % deus collegians que ne beven pas arren lo matin , quitament pas aiga !!! Perqué ne beven pas ? Qu'auré estat interessant d'ac saber pr'amor ne pren pas hèra de temps de plear un veire d'aiga o de shuc de frutas quitament si em pressats.


9) En generau los collegians ne minjan pas tròp de frutas frescas lo matin ( 8 sia de cap a 21 %) mes vertat que prenen sovent shucs de frutas que compensan. Ne minjan pas sovent tampòc de iogorts o hromatge ( en tot 14 donc de cap a 36 %) mes acíu tanben que compensan en bever lèit.


10) Quan s'interdiseishen de minjar certs aliments, en generau qu'ei per paur de grossir

( 3 collegians sus 10 donc 30 %) o pr'amor ne'us agrada pas lo cambiament ( 6 sus 10 sia 60 %).


Que notam que i a un collegian qui a responut per paur de har allergias alimentarias .

Que sabem que i a un collegian dab allergias alimentarias e qu'ei probablament la soa responsa.

Que calerà discutir dab eth tà l'i perpausar un menut adaptat.



11) Ne i a pas sonque 7 collegians donc de cap a 18 % deus collegians que ne ressenteishen pas jamei la hami.Tau's autes (72 %), ei pr'amor n'an pas un menut equilibrat e donc los aliments causits n'aportan pas çò que cau tà non pas ressentir la hami ? ei pr'amor que las quantitats ne son pas pro hòrtas ?

Ne cau pas desbrembar tampòc que i a 28 % deus collegians que ne dejunan pas tot matin donc qui deven forçadament ressentir la hami en matiada.


12) De cap a 64 % deus collegians qu'an enveja de cambiar las costumas e lhèu que'us poderam ajudar.


Qu'avem tanben arremarcat qu'èra hèra mau-aisit d'analisar un questionari pr'amor a còps  n'i a pas de responsa a ua question e a còps tanben que i a mantuas responsas a la medisha question .