La rentrada

 

Lo dia de la rentrada qu'estó lo parat de har jòcs d'enter-ajuda tà apréner a's conéisher. Après aver espiat un filmòt creat per calandrons tractant de la diferéncia, collegians e professors que debatèn sus aqueth tèma. Puish, per grops de 2, que devèvan citar 5 diferéncias e 5 semblanças deu son binòme e cadun que podó explicar la soa diferéncia pr'amor qu'avem tots ua particularitat qui hè que n'èm pas completament com los autes. Que hasón tanben jòcs de ròtle dens lo parc on los uns se hiquèn a la plaça de òrbs e los autes qu'èran cargats de'us miar. Gràcias ad aquò, tots que comprenèn que, quitament si èm diferents, que podem víver amassa en estar atentiu e en har hidença aus autes. Esperem qu'aqueth dia e sia benefic tà passar ua bona annada en armonia shens trufandisas !