L'Ecodia

Lo divès 11 de març de 2016, tots los escolans deu Collègi que participèn a l’ECODIA, un dia dedicat a l’ecologia e a las solucions de doman.

Lo dia que comencè dab l’analisi grafica de l’afica deu filme « DEMAIN » de Cyril Dion e Mélanie Laurent.

Los escolans qu’estón invitats a pensar sus la soa composicion  e sus la significacion de cadun deus elements.

Que contunhèn dab un « quizz Ecologic » qui permetó aus escolans de testar lo lor nivèu de « responsabilitat activa ».

Puish, qu’anèn au Meliès, en bus, per visionar lo filme « DEMAIN », un filme positiu e ludic on son presentadas solucions de las simplas e accessiblas a tots per evitar ua catastròfa ecologica.

En seguir de la projeccion, lo vrèspe que s’organizè en  tres talhèrs :

-          Presentacion de la moneda locau- la Tinda- per Estelle Lempegnat

-          Filo fabla sus la Tèrra, animat per Delfina FURNARI

-          Jòc de memòria Espanhòu- Anglés animat per Marie BORAU

 

Per har circular la paraula, los collegians qu’escribón un messatge de patz sus bilhets de Tinda.

“La pollucion n’ei pas l’evolucion”. Los 6aus

“Ua moneda locau per ua patz mondiau.” Los 5aus

« Lo qui arrespecta, non se harà pas jamei detestar » Los 4aus

“Protegim lo planèta, utilizem la tinda.” Los 3aus