Istòria de las artes 2015 - 2016

Los 3aus, dens l'encastre de l'espròva d'istòria de las arts, que hèn mantuas visitas pendent l'annada en partenariat dab la vila de Pau. 

Charlotte Labarthe, mediatora a la vila de pau, que'us a presentat la vila desempuish la soa creacion dab lo Casteth de Pau au dia de uei. 

Qu'an analizat ua maqueta per véder quin èra la vila a la debuta puish qu'an plaçat elements arquitecturaus actuaus de faiçon ludica. 

Atau los collegians que son sensibilizats au lor lòc de vita e qu'an comprés los elements necessaris a la soa creacion. 

Apres la teoria qu'an avut, suu terrenh, las explications dab las visitas deu baloard deus Pirenues, de las plaças emblematicas de la vila e deu teatre Sent Lois. 

D'autas visitas que son previstas: lo barri deu Hedas, la Villa Sent Basile, lo Musèu... 

Aquestas sortidas vivas e dinamicas, qu'agradan los eslhèves qui pòden practicar alavetz lo terrenh en interdisciplinaritat, en crotzr espiars istorics, geografics, artistics. 

Las maquetas deus 3aus

Apres las visitas deus lòcs emblematics de la vila de Pau, cada 3au que decidii de crear ua maqueta deu lòc qui'u agradè lo mei.

Aqueras maquetas (Plaça reiau, Palais Beaumont, Parc Beaumont, Castèth de Pau) que seràn expausadas au Castèth de Pau deu 15 au 30 de junh dab d'autas òbras d'establiments Paulins.

Atau los escolans que descobrin ua auta faiçon de representar lòcs deu quotidian.

Sortida au parc Beaumont

Dens l'encastre de la preparacion de l'espròva d'istòria de las arts, lo dimars 01 de març, los 3aus que descobrin lo palai Beaumont deu sègle XIXau e lo parc dab los sons petits cantons esmiraglants.

 

Sortidas de noveme e deceme

Au mes de noveme los escolans qu’an visitat lo barri deu Hedas en descobrir l’istòria desempuish la soa creacion dinc a uei lo dia. Ua visita insolita d’un barri sovent mau conegut deus collegians. 

 

Au parrat de la sortida intitulada « deu castèth dinc a la vila », los collegians qu’an podut compréner la construccion de la vila de la soa creaccion dinc a uei lo dia.Qu’an identificat monuments emblematics paulins (lo Teatre sen Lois, l'Ostau Gassion, lo Pavilhon de las arts...)

Mei tard, los collegians qu'an descobèrt un aute aspècte de la vila, la « baisha vila» ; entre l'arquitectura deu conselh departamentau, lo son casau e lo funiculari, qu'an constatat l'evolucion d'aqueth barri mercés a fotografias d'archius e paisatges actuaus qui testimonian deu passat industriau e de l'estat actuau de la vila.

En deceme, qu'an visitat la visa St Basil e los sons casaus ; un lòc de vilegiatura paulina, dab printuras coneishudas qui conten l'istòria de Cendrilhon. Qu'acabèn la visitat dab ua passejada dens lo casau d'estile anglès e francès

 

 

Art sacrat : visita de la capèra de la Perseverança e deus veiraus de Mauméjean.

Lo 29 de seteme 2015 los 3 aus qu’an participat a la purmèra visita / talhèr organizada augan en l’encastre de la preparacion de l’espròva d’Istòria de las Arts.

La sortida aquesta  qu’a agradat aus collegians e qu’estó lo parat de descobrir l’existéncia a  Pau d’ua familha qui avó un reclam mondiau dens lo tribalh deus veiraus : de qué tornar descobrir ua faceta desconeguda de l’istòria Paulina