Istòria de las arts - 2015

Deu Hedàs a las caricaturas de Paul Mirat : quauques facetas mau conegudas de Pau

Dimèrcs, lo 11 de març, los 3aus, solets, puish dab los 5aus (lo 17 de març), qu’an participat a duas navèras sortidas pedagogicas perpausadas per la Vila de Pau – Mission Vila d’Art e d’Istòria. La purmèra sortida – realizada en l’encastre de la preparacion de l’espròva d’istòria de las arts en tresau – qu’a permetut notadament de descobrir ua partida mau coneguda de Pau : lo barri deu Hedàs. Atau, au truvèrs d’un caminar inacostumat dens la vila, qu’avem podut véder d’autas facetas d’aqueste barri a la reputacion tant maishanta, e qui trauca la vila. Vertadèr cordon omelicau, qu’arreliga lo Castèth de Pau a la plaça d’Espanha en perpausar estancs qui amuishan l’envèrs d’un decòr qui non figura pas tostemps dens las cartas postaus ! Atau com en estó dab la presentacion de las caricaturas hèitas per Paul Mirat (1885–1966), dont l’òbra trauca tanben, a la soa faiçon, la vila de Pau e l’istòria soa (au sègle XXau). Mercés au son arrehilh qu’avem donc podut descrobrir aqueste òmi dont ua carrèra paulina e pòrta lo son nom. De qué, adara, parlar autament de la vila d’Enric lo IVau qui estó eth-medish caricaturat per Paul Mirat. De qué tanben abordar autament la question de la toleréncia.

"Viure au païs" suus paisatges paulins

Article heit per la classa de 3aus

Dimèrcs, lo 14 de genèr de 2014, au matin, qu’estó organizada la purmèra sortida pedagogica dens l’encastre de la preparacion de l’espròva d’istòria de las arts en tresau. Lo tèma retiengut augan qu’ei « Los paisatges paulins ». En efèit, entà profieitar deus talhèrs perpausats per la Vila de Pau – Mission Vila d’Art e d’Istòria, los professors deu Collègi qu’an volut s’emparar sus aquesta auhèrta pedagogica tà bastir l’espròva. Quate visitas que son donc d’ara enlà programadas augan : « Lo Baloard deus Pirenèus », « Lo Musèu de las Arts bèras e los orizonts paulins », « Lo Barri deu Hedas » e « La Villà Sent Basil ».

De mei, en l’encastre deus 10 ans deu Collègi, Denis Salles – deu quau lo hrair petit qu’ei passat peu Collègi e deu quau lo pair qu’a balhat tanben cors d’occitan aus professors , qui anima « Viure au païs », qu’a profieitat d’aqueste parat tà filmar ua partida de la sortida e entervistar eslhèves e professors. Lo bèth temps qu’èra tanben au rendetz-vos, atau com la participacion e l’interès deus collegians. Qu’estó ua matiada vertadèrament de las bonas, a l’imatge d’autas qui, ce’m segurs, seguiràn !


Istòria de las arts - 2014

La guerre - Otto Dix
La guerre - Otto Dix

Guernica - Pablo Picasso
Guernica - Pablo Picasso

Bloody sunday
Bloody sunday

Hope - Shepard Feirey
Hope - Shepard Feirey

Bansky
Bansky
Sunday bloody sunday - U2
Sunday bloody sunday - U2

Un sac de billes - Joseph Joffo
Un sac de billes - Joseph Joffo