Espanhòu-Sciéncias

Tot au briu deu dusau trimèstre en Aidin, los escolans qu’an seguit la mei longa cadena de montanhas deu monde : la cordilhèra de las Andas.

Après ua purmèra apròcha mei scientifica on descobrin que las Andas èran las resultas d’un important moviment geologic (subduccion de las placas oceanicas devath la placa sud americana), los escolans que podón apreciar la beutat deus paisatges au truvèrs deus uelhs deu Che en visionar lo filme « Diario de bicicleta » de Walter Salles.

De mei, los collegains que hasón recèrcas sus los 7 país traucats  per « la espina dorsal de America ».

Mercés a la classa mobila, que podón miar de plan la lor quèsta d’informacions e partatjar sus fòrma de Powerpoint las lors coneishenças sus Venezuela, Colombia, Ecuador, Perù, Bolivia, Chile, Argentina.

Los escolans que hasón tanben pròva de « challenge » pendent lo gran quizz Sud – America.

Viva la cordilhèra ! Viva America !